Asociación Galega de Editores

Sen stand en Liber 2012

Mércores, 03 Outubro 2012

Por primeira vez en moitos anos os editores galegos non contarán cun espazo expositivo en LIber, a feira profesional e internacional do libro de España. O stand era patrocinado pola Consellería de Cultura. O recinto da Fira de Barcelona acolle dende hoxe até  5 de outubro unha nova edición de Liber, un dos eventos profesionais máis importantes da  industria do libro en lingua castelá.

Participan na Feira con stand individual: Nova Galicia Edicións, Ideas Propias Editorial e  Kalandraka.

                                                  Estará o Consello da Cultura Galega

O Consello da Cultura Galega, xunto co Institut d´Estudis Catalans e a Real Academia da Lengua Vasca (Euskaltzaindia), e tamén coa Unión de Editoriales Universitarias Españolas (UNE), estará presente en LIBER 2012. Trátase de dar a coñecer unha escolma das súas máis recentes produccións bibliográficas no maior encontro profesional da industria do libro en español, que acolle 450 editoriais e empresas de 15 países.

Máis